Кардиолог Никита Ломакин тромбоз қаупіне байланысты кімдерге ерекше сақтықпен ұшу керек екенін айтты. Бұл туралы ол aif.ru басылымына берген сұхбатында мәлімдеді, — деп хабарлайды Massaget.kz тілшісі.

Қан тамырлары, жүрек, қан аурулары, онкологиялық аурулармен ауыратындар, сондай-ақ, ұзақ уақыт бойы қозғалмағандар, отадан кейінгі науқастар қауіп тобына жатады. Сонымен қатар, сарапшы жүкті әйелдерді, кейбір спортшыларды абайлап ұшуға шақырды.

Никита Ломакинның сөзінше, тромбоздың бір себебі болуы мүмкін қан ұюы ұшақта мына үш факторға байланысты:

• қысым өзгеруі;
• құрғақ ауа;
• дегидратация.

Қауіпті азайту үшін дәрігер ұшу кезінде газсыз су ішуге кеңес берді. Никита Ломакин шай, кофе және ішімдіктен бас тартуға шақырды.

"Дәрігерлер рейс алдында ұйықтататын дәрі ішпеуді ұсынады. Ұйқысыз түн бірнеше сағат бойы тар кеңістікте қозғалмай отырғаннан жақсы. Қозғалыс болмауы тромбоз қаупін арттырады", — деді дәрігер.

Еске салайық, 27 мамырда Ресей ұшағы Ақтөбеге шұғыл қонды, кейінірек бір жолаушы көз жұмғаны белгілі болды.

Өзекті жаңалықтарды өз уақытында оқу үшін Facebook парақшамызға жазылыңыз!