Ахметбек Нұрсила қоғамда қызу талқыланып жатқан Тұрсын Алагөзовтің 100 үйді тегін тарату науқанына қатысты өз пікірін ашық білдірді. Оның айтуынша, бұл әрекетті қолдаушылар жалған қайырымдылыққа алданып, зиянды бизнесті ақтап отыр, деп жазады Skifnews.kz ақпарат порталы.

«Бірнеше жұмыскерге пәтер бергені үшін тіліңді де, діліңді де сата салған дұрыс емес!» – дейді ол.

Ахметбек Нұрсила Алагөзовтің бизнесінің негізі – сыра мен зиянды шай екенін баса айтып, бұл өнімдердің қоғамға тигізер кері әсері туралы алаңдаушылық білдірді:

«Тұрсен сыра мен зиянды шай шығару арқылы ұрпағыңды улап жатыр, Баян қыздарыңның санасын улап жатыр!» – деді ол.

Нұрсила кәсіпкердің жылдар бойы мол пайда тапса да, қызметкерлеріне дұрыс жалақы төлемегенін, ал пәтер беру – піар үшін жасалған «итке сүйек тастау» екенін атап өтті:

«70 млрд теңге пайда тапса да, сол ақшаға халықты улап, енді бір бөлігін таратып мейірімді көрінгісі келеді. Бұл – масқара!»

Ахметбек Нұрсила Макси Чай сияқты өнімдердің денсаулыққа тигізетін ықтимал зиянын арнайы мысалдармен түсіндірді:

Мүмкін болатын зиянды әсерлері:

Іш жүргізетін әсері: Ішек жүйесін әлсіретіп, тәуелділік туғызуы мүмкін.

Су мен электролиттердің жоғалуы: Калий, магний секілді маңызды минералдардың жетіспеуі жүрек қызметіне, бұлшық ет жұмысына кері әсер етуі ықтимал.

Психологиялық тәуелділік: Шайсыз ағза жұмыс істей алмайды деген жаңсақ түсінік қалыптасады.

Ахметбек Нұрсила өзінің пікірімен бөлісудің маңызын атап өтті. Ол көпшілікті бұқаралық бағытқа ермей, өз ойын қалыптастыруға шақырды:

«Бұл менің пікірім! Ол дәл сіздікіндей болуға тиісті емес, болуы да мүмкін емес. Біз отардағы қой емеспіз, әркімнің өз пікірі болуы қалыпты дүние!»