Астанада «Қола домбыра — 2025» республикалық жас ақындар айтысы басталды. Екінші жыл қатарынан жалауын көтерген дүбірлі додаға 20 өңірден іріктелген 22 оқушы қатысып жатыр. Шараның мақсаты төл өнерімізді дәріптеп, талантты жастардың шеберлігін шыңдау. Өнер додасында оза шапқандарға арнайы диплом мен ақшалай сыйақы беріледі. Ал бас жүлдеге қаражатпен қатар «Қола домбыра» сыйлығы тігілген.

Серікзат Дүйсенғазы «Қола домбыра — 2025» жобасының жетекшісі:

- Айтыс өнерінің ішінде барлық дәстүріміз бар. Соның ішінде әніміз де, күйіміз де, жыр-термеміз, шешендік өнеріміз, сахналық өнеріміз бар. Осының барлығы біздің айтысымыздың ішінде бар.