Танымал тележүргізуші, журналист Гүлмира Дайрабай өзінің әке-шешесі туралы естелігімен бөлісіп, эфирде жылап қалды.

Бұл туралы Caravan.kz медиа порталы хабарлайды.

Тележүргізуші Qazaqstan телеарнасындағы «1001 түн» бағдарламасына сұхбат берген.

«Былтыр ата-анамды санаторийге апарғанмын. Кейде әкем маған қағаздарды беріп жібереді. Оны кейін қараймын деп сөреге салып қойдым. Арада үш-төрт ай өтті, тумбаларды реттеп, жинап жатсам әкемнің қағазы шығып қалды.

Қағазды оқысам: «Келесі жылы санаторийге алмай-ақ қой, біздің жасымыз кәрі деп жазып жіберіпті. Әуре болма, ақшаңды жұмсама деп. Мен оны қанша ай өткеннен кейін оқыдым.

Сондағысы әкесі балаларын ойлайды. Бәрібір мен тоқтамаймын, әке-шешеме көмектескім келеді. Өйткені қазіргі заманда әке-шешеден құнды нәрсе жоқ. Ата-анам көріп, неге еңіреп отырсың деп ұрсатын болды ғой?

Жалпы айтайын дегенім, барлығы уақтылы жасалу керек деп ойлаймын. Мен де, әке-шешем де жасарып жатқан жоқ. Әкем сондай хат жазып жіберіпті. Өзі жазушы ғой, соны үйге барып, оқиды деп ойлаған ғой.

Сонч мен дәл сол уақытта емес, кейін 3-4 айдан кейін оқып, ешкімге айтқан жоқпын. Соны оқып, әкемнің маған әлі күнге дейін қамқоршы екенін сезіп, әлі күнге дейін жағдайымды жасап жүреді.

Әкеме төрт ота жасалған, бір органы жоқ. Содан менің заттарымды алып, көлік жүргізушісіне дейін шығып, мені отырғызып, жүргізушіге тапсырады ғой. Есіктің алдына дейін жеткізіп бер, балам деп жүргізушіге тапсырып кетеді. Соншалықты қамқор менің әкем, сол себепті әлі күнге дейін махаббатымды айтып, жеткізе алмаймын, қолымнан келгенше көмектесуге тырысамын», — деді жүргізуші.