Жамбыл облысында жыл басынан бері 2,5 мың тонна қарасора жойылды.

Бұл былтырмен салыстырғанда 2,5 есе көп. Есірткі шөбі 5 ауданның аумағында өседі. Ол жерлерде қылмыс жиі тіркеледі -дейді құқықорғаушылар. Полицейлер жыл басынан есірткіні сақтау мен сатуға қатысты 303 деректі анықтады. Қылмыстың алдын алу үшін өңірде «Есірткісіз болашақ» жобасы жүзеге асып жатыр. Интернет желісі арқылы есірткі сатқан 5 мыңнан аса банк шоты анықталды. Шоттарға 64 млн-нан аса теңге аударылғаны белгілі болды.

Нариман Торабеков, облыс Прокурорының аға көмекшісі:

- Құқықтық статистика департаменті, сарапшылар және прокуратура полиция органдарымен бірлескен мемарандумға қол қойылды. Ол мемарандумның негізгі мақсаты сараптаманы бір тәулік ішінде шығару. Бұрын осы есірткі қылмыстары бойынша сараптама бір айға дейін жүргізілетін болса, қазіргі таңда мерзімдері бір тәулікке дейін қысқарды. Соның аясында қазіргі таңда Жамбыл облысында 35 қылмыстық теріс қылық тіркеліп, ол бойынша бір тәуліктің ішінде сот шешімдері шықты.