Қазақстан Еуропаның бірқатар еліне астық жеткізе бастады. Импорттаушылар қатарында Бельгия, Польша, Португалия, Норвегия және Ұлыбритания бар. Отандық өнімге Біріккен Араб Әмірліктері, Вьетнам және Солтүстік Африка елдері де қызығушылық танытып отыр. Ауыл Шаруашылығы министрлігінің дерегінше, Марокко мен Вьетнам елдеріне 60 мың және 15 мың тонна бидай экспортталған. Ал «Қазақстан Темір Жолы» компаниясының мәліметінше, былтырғы қыркүйектен биылғы шілдеге дейін астық пен ұнның экспорты 12 млн 400 мың тоннаға жеткен. Бұл алдыңғы жылмен салыстырғанда 34 пайызға көп. Мәселен, көршілес елдерге экспортталатын отандық өнім Өзбекстанда 28 пайызға, Тәжікстанда 39 пайызға өскен . Ал Қырғызстанда 2,5 есеге, Иранға 17 есеге артса, Әзірбайжанға жеткізілетін өнім 120 есе өскен.

Темірлан Нұрсолтан