Австралияда үш күнде жауын-шашынның 6 айлық нормасы жауды
23.05.2025
Австралияда нөсердің толастайтын түрі жоқ. Мұнда үш күн ішінде жауын-шашынның жарты жылдық нормасы жауған.
Өзендер арнасынан тасыды. Салдарынан елдің шығысын су басып, 4 адам опат болған. Жүзден аса мектеп жабық тұр. Жолдарды су шайып, 50 мың адам оқшауланып қалған. Оларға қажетті көмек тек тікұшақтармен ғана жеткізіліп жатыр. Ал синоптиктердің болжамы көңіл көншітпейді. Олар апта соңына дейін нөсердің басылмайтынын ескертеді.
