Бұған дейін мешітте өзіне әлімжеттік жасалғанын мәлімдеген Эммануэля Наурызбаева жаңа видео жариялады, деп хабарлайды Skifnews .kz ақпарат порталы.

Оның айтуынша, Алматы көшесінде бір ер адам оны танып қалып, болған оқиға туралы сұрап, артынан балағат сөздер айтқан. Ол Эммануэляны «шайтан» деп атап, ислам дінін қаралады деп айыптаған.

Басқа бір видеода дәл сол ер адамның артынан: «Ұятсыз, нағыз жезөкше» деп айқайлап жатқанын естуге болады. Жәбірленуші бұл оқиға бойынша полицияға жүгінген.

«Мен жанжал іздеген жоқпын. Хайп қумадым. Тек өзімді, басқа әйелдерді, балаларымызды қорғағым келді. Мешітте маған тиіскенін дәлелдеу үшін видео түсірдім — көрілім үшін емес. Шындық мені қорғайды деп сендім. Бірақ мені қорғаудың орнына — маған шабуыл жасалды. Алдымен — имам, артынан — мешіттегі басқа ер адамдар. Содан бері мені аңдып, қорқытып, үркітіп жүр. Олар мені үндемей қалуға мәжбүрлемек», — деп жазды ол әлеуметтік желіде.