Астанадағы автобус апаты кезінде екі аяғынан айырылған 7 жастағы Алуа мен отбасына автопарк басшылығы өмір бойы көмектесуге уәде берді. Нақтырақ айтқанда, 5 баланы жалғыз тәрбиелеп отырған Махаббатқа жан-жақты материалдық қолдау көрсетіледі. Қажетті шығындарын өтеп отырады. Бұл туралы зардап шеккен қыздың туыстары мәлімдеді.

Олар №1 автопарктың басқарма төрағасы Мадияр Тұқпатовпен кездескенін жазды. Уәде тек ауызша айтылып қана қоймай, заң жүзінде рәсімделетінін жеткізген. Бұған дейін сақтандыру компаниясы 19,6 миллион теңге өтемақы төлейтінін, автопарк басшылығы 10 миллион теңге беретінін айтқан едік. Бұдан бөлек, осы отбасыға 4-бөлмелі пәтердің сертификаты табысталған болатын. Баспана қазан айында тапсырылады.

Асылбек Данияр