Қазақстан мен Болгарияның арасындағы экономикалық ынтымақтастық жыл санап нығайып келеді. Былтырдың өзінде екіжақты тауар айналымы 4 есе өсіп, 375 млн АҚШ долларынан асқан. Алдыңғы жылы бұл көрсеткіш 95 млн АҚШ долларын құраған еді. Әсіресе қазақстандық экспорт көлемі 11 есеге артқан. Атап айтсақ, 2024 жылы 303 млн 600 млрд АҚШ долларына татитын отандық өнім саудаланыпты. Экспорттың 80%-тен астамы мұнай шикізатына тиесілі. Сондай-ақ Болгарияға өңделмеген алюминий, табиғи газ, электр қуатын басқару жабдықтары, ферроқорытпа, эфир майлары жеткізілген.

Ал Балқан түбегі елінен 2024 жылы Қазақстанға 71 млн 600 мың АҚШ долларының тауары импортталыпты. Осылайша импорт көлемі 5,5%-ке артқан. Оның ішінде былтыр Болгариядан 18 млн АҚШ долларының бөлшек саудаға арналған дәрі-дәрмегі жеткізілген. Сонымен қатар импорттық тауарлардың тізімінде медициналық құралдар, пульт, панель және электр жабдықтарына арналған үстелдер мен тамақ өнімдері бар.