9 жылдан кейін малдың терісі мен жүнінен экспорттық баж салығы алынып тасталды. Себебі баж салығы қосылғаннан кейін тері мен жүннің тек алты-ақ пайызы өңделген .

Былайғы тұрмыстық қоқыс аздай, мал терісі мен жүн сасып, шіріп рәсуә болып жатыр. Экологиялық және экономикалық шығын шаш етектен.

Бірақ экспорттық баж салығы алынып тасталғанымен жағдай бірден жақсарып кетпейді-ау. Себебі малға салынуы керек барлық вакцина салынып, ол құжатпен расталуы керек. Екіншіден, мал арнайы орындарда, ет комбинаттарында сойылуы тиіс. Бұл енді кәдімгідей проблема.

Мал терісінің шашылып жатқаны біздің қалпымызды көрсететін жарқын мысал. Барды ұқсата алмау қалыбы. Әңгіме тіпті әмиян-сөмке шығарып, етік-бәтеңке тігуде емес, тері мен жүнді экспорттап пайда көрмеу деген күрсініп қойып жүре беретін шарасыз міскінді елестеді. Елдос Есенболдың сараптамасы.