28 трлн доллар. Әйелдердің бизнестегі рөлі толық ашылса, әлемдік экономика осындай әлеуетке ие болады. Бұл – Астана халықаралық форумында талқыланған негізгі тақырыптардың бірі.

Аталған мүмкіндікті қалайша экономикалық өсімге айналдырамыз? Қазақстандық «ASMAR» Ұлттық әйелдер кәсіпкерлері қауымдастығы сессияда соның жауабын іздеді.

Бейжің декларациясынан бергі 30 жылда әлемнің ешбір елі толық тең құқылы гендерлікке қол жеткізген жоқ. Бұл – Біріккен ұлтар ұйымының мәліметі. Әлбетте, әйелдер мен ерлер үшін бірдей жағдай жасалған компаниялар ұтылмайды. Пайдасы көптеу болып, инновация мен инвестиция тартылады. Бірақ кәсіпкер әйелдер үшін кедергілер әлі де кездеседі.

Кристина Дорош, Visa компаниясының аға вице-президенті және аймақтық менеджері:

- Әйелдер кәсіпкерлігін дамыту – бұл әрқашан бір мемлекеттің шекарасынан тыс жерде болатын құбылыс. Оның алғашқысы – жеке экономикалық тәуелсіздік үрейі. Ал, екіншіден, коммерциялық және маркетингктік тәжірибе.

Кедергілерді жою үшін жүйелі шешім қабылдануы тиіс. Соның бірі – Түркия мысалы негізінде кәсіпорындарды гендерлік сертификаттаудан өткізу. Бұл бастаманы Түркі мемлекеттері ұйымына мүше елдер енгізбекші. Әуелі оқыту мен сынама жобалар жүзеге асырылады. Меморандумға қол қойылған. Осылайша, әйелдер мансабына сенімді түрде жетіп, ал компаниялар халықаралық ESG-стандартына сай болады.

Ләззат Рамазанова, Түркі мемлекеттері іскер әйелдері кеңесінің төрайымы:

- Демек, барлық кәсіпорындағы әйелдер мен ерлердің саны ескеріледі. Ал, сертификатталған кәсіпорындардың тиімді халықаралық инвестиция тартуға мүмкіндігі артады. Бұл іс Қазақстан үшін ғана қалыпты әрі пәрменді құралға айналмайды деп үміттенеміз. Біз бұны Түркі әлемі елдерінде одан әрі ілгерілетуге ниеттіміз.

Бизнестегі тең құқылық Қазақстанда да бар. Тіпті ерлерге негізделген салалардың өзінде солай. Мәселен, «Қазцинк» компаниясында қызметкерлердің төрттен бір бөлігі қыз-келіншектер. Әйел басшылар саны бойынша да алда. Форумда осындай мысалдар көп болатыны айтылды. Сарапшылар тәжірибесімен белсенді түрде бөлісіп, әр ортада әйелдер әлеуетін пайдалану жайы талқыланды.

Авторы: Нысаналы Ығыл