Қаралы оқиға Нигерияның солтүстік-шығысындағы Йобе штатындағы әскери оқу орталығында болған.

Синьхуа агенттігінің жазуынша, күдікті террористердің шабуылы кезінде кемінде 17 полиция қызметкері жан тапсырған, деп хабарлайды inbusiness.kz сайты.

Полиция өкілі Энтони Пласидтің сөзінше, 8 мамыр күні шабуылдаушылар Йобе штатының Гуджба жергілікті басқару аймағындағы Буни Ядидегі Нигерия армиясының арнайы күштерінің оқу мектебіне шабуылдаған.

Пласидтің айтуынша, соққы нысанда арнайы операциялар бойынша дайындықтан өтіп жатқан полиция қызметкерлеріне бағытталып отыр. Ол оқиға кезінде Нигерия армиясының бірнеше қызметкері де опат болғанын жасырмады.

Қазіргі уақытта ел билігі аталған қылмысты жан-жақты тексеруді тапсырды. "Қауіпсіздікті қамтамасыз ету үшін барлық шара атқарылады" деп сендірді жауаптылар.