Ақмола облысында үш бала мұз астына түсіп кетті, — деп хабарлайды Massaget.kz тілшісі.

Көкшетауда 2016, 2017 және 2018 жылы туған үш бала Қылшақты өзенінде ойнап жүріп, мұз астына түсіп кеткен.

"Куәгер балаларды дер кезінде құтқарып, оларды жедел жәрдем бригадасына тапсырған. Тоңған балалар көпсалалы облыстық балалар ауруханасына жеткізілді. Медициналық тексерістен кейін олар үйіне емделуге жіберілді", — деп жазылған хабарламада.

Өңірдің ТЖД мәліметінше, тек кейінгі төрт күн ішінде жұқа мұзға шыққан 35 адам әкімшілік жауапкершілікке тартылған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!