"Отбасы банк" АҚ қазақстандықтардың құтты қонысына қол жеткізуіне көмектесуімен қатар, балалардың болашағына бағытталған жобаларды да сәтті жүзеге асырып келеді. Сол арқылы өскелең ұрпақтың ертеңі жарқын болуына жайлы жағдай жасауда.

Талдықорған қаласында тұратын жас отбасы – Олжас Байбосынов пен Жаннұр Исина шаңырақ көтерген уақыттан бері "Отбасы банктің" өнімдерін тұрақты пайдаланып келеді. Алдымен отау құрған соң, яғни 2016 жылы "Жас отбасы" бағдарламасы арқылы қаланың қақ ортасынан екі бөлмелі пәтер сатып алған. Ал қазір алты бала тәрбиелеп отырған отбасы балаларының болашақта үйлі болуына да, сапалы білім алуына да баса мән беріп, қазірден қамданып жатыр.

"Отбасы банк" – аты айтып тұрғандай, шынында да отбасылық банк. Алғашқы баспанамызды осы банктің бағдарламасы арқылы алсақ, қазіргі күні балаларымыздың әрқайсысына шот аштық. Үйіміздің үлкендері – Інжу мен Жігерге ата-әжесі кішкентай кезінен-ақ "Баспана" бағдарламасы бойынша шот ашып, ай сайын қаржы аударуда. Сол арқылы немерелерінің ертеңгі күні өз шаңырағын алуына қолғабыс етуді қалайды. Бес жасар Айкүнім, үш жастағы Әбілмансұр, бір жарым жастағы Мұхамеджанымызға "AQYL" депозитін өзіміз аштық. Жәнібекке де осындай шот ашу ойда бар", — дейді Жаннұр Исина.

Байқағанымыздай, таяуда ғана бір жасқа толған кенжелеріне де шот ашып үлгерген. Көпбалалы ана мұның өзіндік сыры барын алға тартты.

"Ең тиімді инвестиция – баланың болашағына құйылған қаражат. Осы қағиданы жолдасым екеуіміз берік ұстанамыз. Сондықтан "Отбасы банк" өнімдері туралы білген кезден бері барлық балаға шот ашуды ойластырған едік. Олар көзді ашып-жұмғанша мектеп табалдырығын аттап, жоғары оқу орнына түседі. Сондай сәтте алаңсыз білім алғанын қалаймыз. Әлбетте, мұндай жағдайда екінші деңгейлі банктердің бірінен де депозит ашып, қаржы жинауға болар еді, бірақ біз нақты бағытқа белгіленген бағдарламаны таңдадық. Ең ұтымдысы – осы. "AQYL" депозитін ашу үшін бар болғаны екі құжат – ата-ананың жеке куәлігі мен баланың туу туралы куәлігі қажет. Кейін шотты банк сайты немесе мобильді қосымшасы арқылы ашуға болады. Яғни, шот ашу оңай. Бұл – бір. Екіншіден, шот ашқан кезде 11 мың теңге көлеміндегі сома жеткілікті. Үшіншіден, пайыздық мөлшерлемесі жоғары. Білім беру депозитіне банктің сыйақысымен қатар, бізге көпбалалы отбасы ретінде 7 пайыз (ЖТСМ 16 пайыздан бастап) көлемінде мемлекеттік сыйақы да беріледі. Демек бір жылда әр баланың шотына 393 мың теңгеге дейін сыйақы алуға болады. Осының барлығын ескере келе, "AQYL" депозиті тиімді деп нық сеніммен айта аламын", — дейді ол.

Айта кетерлігі, биылдан бастап "AQYL" депозитінің салымшыларына балаларға арналған "Келешек" еркін жинақтау жүйесінің аясында бастапқы мемлекеттік капитал да есептеледі. Оны сақтау үшін ата-аналар жыл сайын салым салып отыруға тиіс. Ол 0-5 жас аралығындағы балаларға қарастырылған. Қаражат балалардың шотына 5 жасқа толғанда түседі. Айталық, Жаннұр Исинаның бес жасар қызы Айкүнімнің осыдан бір жыл бұрын ашылған шотына таяуда 235 920 теңге көлемінде қосымша қаржы түсті. Бұл – 60 АЕК көлеміндегі сома. Келешек білім беру-жинақтау бағдарламасына қатысу үшін, Aqyl депозитін ашу керек.

Қазіргі таңда 132142 ата-ана "Отбасы банкінде" Ақыл депозитін ашқан. Ал бес жасқа келгенде түсетін бастапқы білім беру капиталы 7000 нан астам балаға жіберілді. Жалпы сомасы 1 млрд 736 млн теңгеден астам қаражат бүлдіршіндердің болашақ біліміне аударылды. "Отбасы банк" мамандары депозитке айына кем дегенде 5-10 мың теңгеден бастап жиюға болады дейді. Сонымен қатар бала 18-ге толғанда Ұлттық қордағы қаражатты да осы депозитке аударып, баланың қалаған оқу орнына түсіп, білім алуына үлкен жол аша ашуға мүмкіндік бар.

Жасөспірім мектептегі оқуын тәмамдаған соң қазақстандық немесе шетелдік кәсіптік-техникалық, жоғары білім ордасындағы оқу ақысын осы шоттағы қаржысынан төлей алады. Ал мемлекеттік білім грантын иеленген жағдайда жылдар бойы жинаған қаржысын туғанын беруге, ары қарай білімін жалғастыру үшін пайдалануына болады. Не болмаса, "Отбасы банктегі" тұрғын үй жинақ шотына аударып, баспана жағдайын жақсартады. Қысқасы, білім беру шотына жиналған қаражаттың қайыры болады. Мемлекеттен түскен бастапқы капиталды сақтап қалу үшін ата-аналар балалары кәмелеттік жасқа толғанша немесе оқу орнына түскенге дейін "AQYL" депозитіне жыл сайын жарна аударуы қажет. Жылына ең төменгі жарна 24 АЕК немесе 2025 жылы 94 368 теңге. Халықтың әлеуметтік осал топтары санатындағы балалар үшін – 12 АЕК немесе 2025 жылы 47 184 теңге. Жетім және ата-анасының қамқорлығынсыз қалған балалар үшін ашылған "AQYL" депозитіне жыл сайынғы міндетті жарна төлеудің қажеті жоқ. Жарналарды біржолғы төлеммен немесе жыл бойына бөліктерге бөлуге болады – ең бастысы ең төменгі жарнаны енгізу шарты жылдың соңына дейін орындалуы керек. Бастапқы капитал депозитке енгізілгеннен кейін енгізілген жарна сомасы есепке алынады. Бастапқы оқу капиталы есептелгенге дейін шоттағы жинақтар есепке алынбайды. Әйтпегенде, мемлекет бастапқы капиталды қайтарып алуға мәжбүр болады. Сондықтан балалардың болашағын бүгіннен ойлап, салым жасауға асығыңыздар! Бүгінгі салым – алдағы жарқын болашақ!

*Банк қызметі Қазақстан Республикасында лицензияланады.

Мәтіннен қате тапсаңыз, бізге жазыңыз