Ұлыбритания Израильге қарсы экономикалық шектеу енгізеді.

Бұған Тель-Авивтің Газа секторын толықтай басып алу жөніндегі шешімі себеп. "Таймс" басылымының дерегі бойынша Лондон Израиль армиясына өз аумағында әскери жаттығу өткізуге тыйым салуы мүмкін. Осыған дейін Тұманды Альбион еврей елі үкіметінің бірқатар мүшесіне санкция салып, Израильмен еркін сауда жөніндегі келіссөзді тоқтатқан еді. Өткен аптада Премьер-министр Биньямин Нетаньяху Газаны толық бақылауға алатынын мәлімдеді. Ол аймақ ХАМАС-тан азат етілген соң араб елдерінің басқаруына беріледі, деп отыр.