Сирия АҚШ-тағы елшілігін қайта ашады.

Шешім президент Дональд Трамп пен Шам елінің жаңа көшбасшысы Ахмед аш-Шарааның кездесуінен кейін қабылданды. Вашингтонда Дипломатиялық өкілдік 10 жыл бұрын жабылған. Ақ үйдің мәлімдеуінше, Ахмед Аш-Шараның сапары екі жақты қарым-қатынасты қалыпқа келтіруге дайын екенін көрсетті. Басқосуда Сирияға салынған экономикалық санкцияларды алып тастау мен Израильмен қауіпсіздік саласында келісім жасау мәселесі талқыланды. Дамаск тыйым салынған "Ислам мемлекеті" ұйымына қарсы халықаралық одақ жұмысына қатысуға келісті.