Жалпы есепте екінші орындамыз. Шымкент қаласында спорттық ату түрлерінен Азия чемпионаты жалғасып жатыр және кезекті жарыс күні қазақстандық спортшылар өте сәтті өнер көрсетіп, жалпы есепте үшінші орыннан екінші орынға көтерілді, деп хабарлайды 24kz.

Бұл жетістікке стенд ату шебері Никита Моисеев, нысана көздеудегі Асадбек Нарқұлов, Андрей Худяков, Данил Яковенко көрсеткіштері негіз болды. Яғни, Никита жекелей сында, ал қалған жігіттер командалық сында топ жарып, Азия чемпионы атанды. Кейін олардың жеңіс жолын жастар мен жасөспірімдер жалғады. Осылайша, қоржынымыздағы медальдардың жалпы саны 50-ге жеті. Оның 15-і алтын, 16-сы күміс, 19-ы қола. Топ басында 70 медаль жеңіп алған Үндістан құрамасы тұр.

Айта кету керек, биылғы Азия чемпионатына 27 елден 800-ге жуық қатысушы жиналды. Сәйкесінше, бәсекелестік те өте жоғары. Олар екі негізгі бағыт бойынша, яғни,стенд ату және оқпен ату бағыттары бойынша өзара мықтыны анықтап жатыр. Шымкент қаласындағы құрлықтық дода 30 тамызға дейін жалғасады.