Елімізде өткен жеті айдың ішінде 13 мыңнан астам интернет-алаяқтық дерегі тіркелген. Азаматтар көбіне сайт арқылы тауар сатып аларда, әлеуметтік желілер мен мессенджерлердегі жалған хабарландыруға алданып қалған. Бұл туралы Ішкі істер министрлігінің өкілдері мәлімдеді. Мысалы, былтыр ақша табудың оңай жолын іздеген мыңнан астам адам, брокерлік компаниялар мен инвестициялық жобаларға ақша салып, қаржысынан айырылған. Кейбірі несие рәсімдеп, бар ақшасын алаяқтарға аударып жіберген. Жыл басынан бері 6 мыңдай факт тіркелген. Құзырлы мекеме банк пен полиция ешқашан жеке деректерді сұрамайтын жеткізді. Сондай-ақ, телефон арқылы жасалған жеңіл пайданы көздейтін ұсыныстарға сенбеуге шақырады. Кез келген адамға ақша аудармауға, дербес деректерді тартпауға оның ішінде картаның реквизиттері мен CVV код туралы тіс жармауға кеңес береді. Сондай-ақ полиция күмәнді қосымшаларды жүктеуге болмайды дейді. Күмәнді сілтемелерге кірмеуді, спам-хабарламаларды ашпауды ескертті.

Асылбек Данияр