Қазақстандық каратэші қарсыласының жарысқа қатысу құқығынан айырылуының арқасында Мысырда өткен әлем чемпионатында қола медаль иеленді, деп хабарлайды Zakon.kz.

Sportarena.kz мәліметінше, қазақстандық Дидар Әмірәлі 67 кг салмақ дәрежесінде Мысыр астанасында өткен әлем чемпионатында чилилік Фрейре Фуэнтеспен қола медаль үшін кездескен.

Жекпе-жек өте қысқа болды. Алғашқы секундтарда-ақ Чили спортшысы тыйым салынған әдіс қолданғаннан кейін Дидар күрт құлап түсті. Оны бірнеше минут бойы дәрігерлер есіне келтірді.

Посмотреть эту публикацию в Instagram

Публикация от Didar Amirali (@amiralididar)

Кейін белгілі болғандай, Фуэнтес тыйым салынған соққы жасағаны үшін төрешілер тарапынан бірден дисквалификацияланған.

Осылайша, Дидар жекпе-жектің жеңімпазы деп танылып, әлем чемпионатының қола медалін жеңіп алды.

Бұған дейін қазақстандық бойжеткеннің конькимен жүгіруден Әлем Кубогында ерекше өнер көрсетіп, екі мәрте тұғырдан көрінгенін жазғанбыз.