Ресей мен Венгрия басшыларының келіссөздері барысында Владимир Путин Будапештте Дональд Трамптың қатысуымен саммит өтуі мүмкін екенін жеткізді. Бұл туралы РБК басылымына сілтеме жасаған KAZ.NUR.KZ хабарлайды.

Басылымның хабарлауынша, Владимир Путин Венгрия премьер-министрі Виктор Орбанмен келіссөздер кезінде АҚШ пен Ресей президенттерінің кездесуі Будапештте өтуі әбден мүмкін екенін айтты.

"Егер АҚШ-пен келіссөз барысында мәселе Будапешт қаласын қолдануға жететін болса, мен тек қуанатын едім", — деді Ресей басшысы.

Оған қоса Владимир Путин ресейлік-америкалық саммитті Будапештте өткізуді АҚШ президенті Дональд Трамп ұсынғанын жеткізді.

"Трамп бірден "Екеуміздің де Венгриямен, оның басшысы Виктормен қарым-қатынасымыз жақсы. Мен осы нұсқаны ұсынар едім" деген болатын. Біз қуана келістік", — деді Ресей Федерациясының президенті.

Мәтіннен қате тапсаңыз, бізге жазыңыз