Ұлттық қауіпсіздік қызметі "Астана ЭКСПО-2017" компаниясының экс-кеңесшісі Айдос Есполовтың ұсталғанын растады. Бұл туралы "ҚазАқпаратқа" сілтеме жасаған KAZ.NUR.KZ хабарлайды.

"Аталған дерек бойынша ҰҚК соталды тергеу жүргізіп жатқанын хабарлаймыз. Қылмыстық-процессуалдық кодексінің 201-бабының 1-бөлігіне сәйкес, өзге ақпарат жариялауға жатпайды", — делінген ведомство хабарламасында.

Ашық дереккөз мәліметіне сүйенсек, Айдос Есполов — кәсіпкер әрі бұрынғы шенеунік. Ол «Астана ЭКСПО-2017» компаниясының бұрынғы кеңесшісі және Еуразия технологиялық университеті мен Alatau Asset Management Company құрылтайшыларының бірі болды. Сондай-ақ түрлі басшылық қызметті атқарды.

БАҚ-тағы ақпарат бойынша ол ЭКСПО-2017 көрмесіне дайындық кезінде ақша жымқыру және пара алу ісі бойынша (шамамен 2,2 млрд теңге) ұсталды.

Мәтіннен қате тапсаңыз, бізге жазыңыз