Қазақстанда ресейлік «Росатом» компаниясы салатын алғашқы атом электр станциясының іргесі болжам бойынша 2029 жылы қаланады. Бұл туралы ҚР Атом энергиясы жөніндегі агенттіктің төрағасы Алмасадам Сәтқалиев мәлімдеді.

Оның айтуынша, құрылыстың басталу мерзімі жобалық зерттеу жұмыстарынан кейін белгілі болады.

«Көп нәрсе жабдықтың құрамына және жобалық жұмыстарға байланысты. Әзірге нақты айту қиын, Ресейдің жоспары бойынша 2029 жылы басталады деп болжап отырмыз. Келесі жылы да жобалық зерттеу жұмыстары жалғасады. АЭС құрылысы – өте күрделі технологиялық процесс, ол мұқият зерттеуді және жіті дайындықты талап етеді. Қазір бұл жұмыстарға қазақстандық мердігерлер де тартылған», – деді Сәтқалиев Ақорда кулуарында.