Солтүстік Қазақстан облысындағы ауылшаруашылық кәсіпорнында қайғылы оқиға тіркелді. Әйел адам қаза тапты, деп хабарлайды облыстық полиция департаментіне сілтеме жасаған KAZ.NUR.KZ.

Солтүстік Қазақстан облысы полиция департаментінің баспасөз қызметі төтенше жағдай кеше, 19 қараша күні болғанын хабарлады.

"Солтүстік Қазақстан облысы Ақжар ауданындағы ауылшаруашылық кәсіпорындарының бірінде 34 жастағы жұмысшы әйел астық сақтайтын қоймаға құлап қайтыс болды", — дейді ПД өкілдері.

Полиция еңбек қауіпсіздігі ережелерін бұзу дерегі бойынша қылмыстық іс қозғап, тергеу жүріп жатыр.

Бұған дейін Ақмола облысының Зеренді ауданында 35 жастағы жұмысшының ағаш кесу кезінде қаза табуына байланысты тергеу жүргізіліп жатқаны хабарланған болатын. Оқиғаның барлық мән-жайы анықталуда.

Мәтіннен қате тапсаңыз, бізге жазыңыз