ТЖМ тікұшағы Түркістан облысындағы алапат өрттен зардап шеккен ер адамды Шымкент қаласына жеткізді. Бұл туралы өңірлік ТЖД баспасөз қызметіне сілтеме жасаған KAZ.NUR.KZ хабарлайды.

"Қазавиапас" авиациялық қызметінің ЕС 145 тікұшағының экипажы Түркістан облысы Жетісай ауданынан санитарлық рейс жасап, өрттен зардап шеккен 1986 жылы туған ер адамды Шымкент қаласына жеткізді.

Жетісай ауданында жедел көмек көрсетуге қажет арнайы аппаратура санының шектеулі болуына байланысты ер адамды Шымкент қаласындағы облыстық ауруханаға жеткізу керек болды", — делінген Түркістан облысының ТЖД хабарламасында.

Экипаж санитарлық рейсті сәтті орындап, зардап шеккен адамды Шымкент қаласының гипербариялық оксигенация орталығына жеткізді.

Жеткен бойда ер адам арнайы мамандырылыған медицина қызметкерлерінің бақылауына берілді.

Мәтіннен қате тапсаңыз, бізге жазыңыз