Алматыда соңғы аптада жіті респираторлық вирустық инфекцияларға шалдыққандар 18,9 пайызға өсті. Бұл туралы қалалық санитариялық-эпидемиологиялық бақылау департаменті басшысының орынбасары Әсел Қалықова мәлім етті, деп хабарлайды KAZ.NUR.KZ тілшісі.

Өңірлік коммуникациялар қызметінде өткен брифингте Санитарлық-эпидемиологиялық департаменті басшысының орынбасары атап өткендей, Алматыда жіті респираторлық вирустық инфекциялар бойынша эпидемиологиялық жағдай тұрақты – ол бақылауға алу деңгейінен аспайды.

"45 аптада жіті респираторлық вирустық инфекцияның 23 786 жағдайы тіркелді, 100 мың халыққа шаққандағы көрсеткіш 1012,89-ды құрады, бұл былтырғы сәйкес кезеңмен салыстырғанда 18,7 пайызға және өткен аптамен салыстырғанда 18,9 пайызға жоғары. Ауырғандардың 63,4 пайызы – балалар.

"Жіті респираторлық вирустық инфекциямен ауырған 519 науқас ауруханаға жатқызылды, оның ішінде 64 жүкті әйел және 1 жасқа дейінгі 66 бала. Пневмониямен ауырған 79 науқас ауруханаға жатқызылды, оның ішінде 1 жүкті әйел және 14 жасқа дейінгі 18 бала, оның ішінде 1 жасқа дейінгі 5 бала", — деді Әсел Қалықова.

Сонымен қатар соңғы бес аптада 113 390 жіті респираторлық вирустық инфекциясы тіркелді, бұл да өткен жылмен салыстырғанда 9,6 пайызға көп. Балалар жиі ауырады: осы кезеңде 14 жасқа дейінгі 80 бала, және бір жастағы 22 бала ауруханаға жатқызылды.

Одан бөлек қалада тұмаудың 13 жағдайы тіркелді, негізінен екпе алмаған тұрғындар. Сонымен қатар алматылықтар риновирус, парагрипп және маусымдық коронавируспен ауырып жатыр.

Қалалық денсаулық сақтау басқармасы басшысының орынбасары Ләйлә Иманғалиева үш ауруханада жұқпалы ауруларды емдеуге арналған төсек-орындар жеткілікті екенін айтты. Бұл төсек-орындардың жартысы қазіргі уақытта жіті респираторлық вирустық инфекциялармен

"Қазіргі таңда біздің қалалық балалар клиникалық жұқпалы аурулар ауруханасында жіті респираторлық вирустық инфекциялар мен тұмаумен ауырған 274 бала емделуде, оның ішінде пневмониямен 139 бала. Пневмониямен ауырған 6 бала жансақтау бөлімінде жатыр", — деді Иманғалиева.

Дегенмен, Қоғамдық денсаулық сақтау басқармасының өкілі жағдайдың тұрақты екенін баса айтады.

"Қаладағы барлық медициналық мекеме қажетті дәрі-дәрмекпен, шығын материалдарымен және вирусқа қарсы препараттармен қамтамасыз етілген. Сондай-ақ олар қарқынды терапия құралдарымен және жеке қорғаныс құралдарымен жабдықталған. Алматыдағы барлық медициналық мекеме күшейтілген режимге көшті", — деді Иманғалиева.

Мәтіннен қате тапсаңыз, бізге жазыңыз