Женевадағы әйгілі Сотбис аукционында ұлы қолбасшы, француз императоры Наполеон Бонапартқа тиесілі түйреуіш 4,4 миллион долларға сатылды, деп хабарлайды 24KZ.

Телеарнаның мәліметінше, бұл сома бұйымның бастапқы бағасынан 17 есе қымбат.

1810 жылы Париждегі зергерлік шеберханада жасалған әшекей 13 караттық гауһар таспен және өзге де көптеген асыл таспен көмкерілген.

Аңыз бойынша, Наполеон Ватерло шайқасынан кейін оны өзі мінген күймесінде қалдырып кеткен.

Кейін әшекей Пруссияның үшінші королі Фридрих Вильгельмнің қолына өтіп, ұзақ жыл бойы Гогенцоллерндер әулетінің мұрағатында сақталған.

Айта кетелік, бұған дейін ҰҚК-нің бұрынғы төрағасы Кәрім Мәсімовтің үйінен тәркіленген самурай қылышы 540 мың теңгеге сатылғанын жазған едік.

Мәтіннен қате тапсаңыз, бізге жазыңыз