Қазан айында жұмыс берушілер арасында қандай мамандықтар жоғары сұранысқа ие болды, жұмыс берушілер ұсынған ең жоғары жалақы көлемі қандай? Еңбек және халықты әлеуметтік қорғау министрлігі жаңа мәліметтерді жариялады, деп хабарлайды KAZ.NUR.KZ.
Ведомствоның мәліметінше, қазан айында Enbek.kz электрондық еңбек биржасында жұмыс берушілер тарапынан 132 мың бос жұмыс орны мен 114,1 мың түйіндеме жарияланған.
Қазанда жоғары біліктілікті талап ететін мына мамандық иелеріне ең көп сұраныс болған.
"Орта деңгейлі мамандар арасында қазандық операторлары (6,9 мың), егін өсірушілер (2,2 мың) және медбикелер (1,9 мың) ерекше сұранысқа ие болды", — делінген хабарламада.
Ал мына мамандықтар бойынша түйіндемелер жиі берілген: бухгалтер (2,2 мың), заңгер (1,6 мың), тәрбиеші (1,6 мың), қазандық операторлары (3,7 мың), медбикелер (1,9 мың) және автокөлік жүргізушілері (1,6 мың).
Еңбекақы көлеміне келсек, қазан айында жұмыс берушілер мына лауазымдарға ең жоғары жалақы ұсынған:
"Ал ең жоғары еңбекақы күтулері коммерциялық әуе лайнерінің ұшқышы (~2,8 млн теңге), өрттің алдын алу және сөндіру жөніндегі кенші (~2 млн теңге) және басқарма төрағасының орынбасары (~1,8 млн теңге) мамандықтарында байқалды. Ұсынылған және күтілетін еңбекақы деңгейлері арасындағы алшақтық әлі де сақталып отыр, әсіресе басқарушылық және техникалық сегменттерде", — делінген хабарламада.
Сонымен қатар қазан айында ең көп бос жұмыс орындары Түркістан облысында (12 мың), Астана қаласында (11,4 мың) және Жамбыл облысында (8,8 мың) жарияланған. Ал түйіндемелер саны бойынша көшбасшылар қатарында Түркістан облысы (13,4 мың), Астана қаласы (9,1 мың) және Қызылорда облысы (8,3 мың) тұр.
Мәтіннен қате тапсаңыз, бізге жазыңыз
