Нысана көздеуден Қазақстан әйелдер құрамасы әлем чемпионатында үздік үштікке енді, деп хабарлайды KAZ.NUR.KZ Туризм және спорт министрлігіне сілтеме жасап.

Ведомствоның баспасөз қызметінің хабарлауынша, нысана көздеуден Қазақстан әйелдер құрамасы әлем чемпионатында винтовка және тапаншадан 50 метр қашықтыққа үш қалыпта ату бойынша командалық есепте қола медаль жеңіп алды.

Команда құрамында Александра Ле, Елизавета Безрукова және Арина Малиновская өнер көрсетті.

Айта кетейік, әлем чемпионаты Халықаралық нысана көздеу федерациясының (ISSF) ұйымдастыруымен Каир қаласында өтіп жатыр. Жарыс 18 қарашаға дейін жалғасады.

Биылғы әлемдік додаға 71 елден 697 спортшы қатысып жатыр. Қазақстан құрамасы сапында ұлттық рейтинг пен республикалық жарыстардың қорытындысы бойынша іріктелген елдің ең үздік 15 мергені сынға түсіп жатыр.

Мәтіннен қате тапсаңыз, бізге жазыңыз