Денсаулық сақтау вице-министрі үкіметтегі брифингте мерзімді әскери қызметші Ербаян Мұхтар Стамбұлдан Қазақстанға жеткізілгенін растады, деп хабарлайды KAZ.NUR.KZ.

"Иә, растай аламын, біз пациентті Стамбұлдан Астанаға жеткіздік. Оның жағдайы тұрақты, Қазақстанға ұшу кезінде оның өмірлік функцияларына еш әсер еткен жоқ", — деді Денсаулық сақтау вице-министрі Тимур Мұратов.

Естеріңізге сала кетейік, былтыр тамыздың соңында желіде әскерге кеткен жас жігіттің мүгедек болып оралғаны туралы ақпарат тараған еді. Ұлттық ұланның баспасөз қызметі жағдайға қатысты түсінік берді. Олардың мәліметінше, мерзімді әскери қызметке кіріскеннен кейін бірнеше айдан соң сарюаз ауыр халде ауруханаға жатқызылған, ол комаға түскен. Кейін Түркияда емделді.

Биыл қыркүйекте ол Түркияға емделуге қайта жіберілді.

Бұған дейін қоғам белсендісі Инга Иманбай желідегі парақшасында оның денсаулығы оңалып кете жатқанын жеткізді. Айтуынша, оң өзгерістер бар.

Мәтіннен қате тапсаңыз, бізге жазыңыз