Испанияда ата-анасы өздерінің 14 жастағы қызын 21 жастағы жігітке 5000 еуро (шамамен 3 миллион теңге) және бес бөтелке вискиге сатқан, деп хабарлайды Zakon.kz.

El Caso басылымының мәліметінше, бұл қылмыс кездейсоқ әшкереленген. Полиция супермаркет маңында құжатсыз қайыр сұрап жүрген қызды ұстаған, сонда істің мән-жайы ашылған. Тексеру барысында оның "күйеуінің" отбасы қызды мектепке жібермей, көшеде қайыр сұрауға мәжбүрлегені анықталды.

Осы оқиғадан кейін қыздың ата-анасы, "күйеуі" және оның туыстары тұтқындалған.

Дегенмен, жасөспірім өзін құрбан ретінде санамайды. Ол бұл некені өзі саналы түрде қалағанын және ата-анасынан рұқсат беруін сұрағанын айтқан.

Осылайша, бір ай өткен соң барлық күдіктілер босатылған. Қызды өз ата-анасына қайтарып, ал оның "күйеуінің" отбасына онымен байланысуға тыйым салынған.

Бұған дейін Францияның экс-президенті Николя Саркозидің бостандыққа шыққанын жазған болатынбыз.