Ерекше балалардың ата-аналары WhatsApp хабарландыру құрбаны болды
10.11.2025
Елдің әртүрлі аймағынан 5 адамды алдаған алаяқ сот үкімімен жауапқа тартылды.
Ер адам WhatsApp-тағы "Біздің балаларға арбалар" тобы арқылы мүмкіндігі шектеулі балаларға арналған пайдаланылған кресло-арбаларды сату туралы хабарлама таратқан. Жәбірленушілер хабарландыруға сеніп, алаяқтың картасына 40–114 мың теңге аударған.
Сот кінәні мойындауы, шын жүректен өкіну және зиянды өтеу сияқты мән-жайларды ескере отырып, 2 жылға бас бостандығын шектеу жазасын тағайындады және пробациялық бақылау белгіледі.
Үкім әлі заңды күшіне енген жоқ.
