Банк пен борышкер: кімнің мүддесі қорғалады?
10.11.2025
Қазақстандықтардың банктер алдындағы қарызы рекордтық межеге жетті — 23 триллион теңге. Оның ішінде тұтынушылық несие көлемі 25 пайыз өскен. Негізгі өсім — автокредит есебінен. Бұл деректі Мәжілісте Қаржы нарығын реттеу және дамыту агенттігінің төрағасы Мәдина Әбілқасымова жария етті. Төменгі палатада «Банктер және банк қызметі туралы» заң жобасының алғашқы оқылымы өтті. Құжатта екінші деңгейлі банктердің жұмысын реттеу, цифрлық активтерді басқару, сондай-ақ халықтың қарыз жүктемесін азайтуға бағытталған жаңа тетіктер қарастырылған.
