Өрттің таралу қаупі жойылды .

Алматыда Әмина қажы Әжібаеваның "Перзент" балалар үйінде өрт шықты, деп хабарлайды ТЖД баспасөз қызметі.

Нақты мәлімет бойынша, балалар үйінің аумағындағы асхана ғимараты отқа оранған.

"Барлық 35 бала мен қызметкерлер дер кезінде эвакуацияланды. Өрттің таралу қаупі жойылды, ошақ оқшауланды", – делінген қалалық төтенше жағдайлар департаментінің хабарламасында.

Оқиға орнына Алматы әкімі Дархан Сатыбалды және қалалық құрылымдық бөлім басшылары барды.

Қазір оқиға орнында ТЖД бөлімшелері өртті толық сөндіру жұмыстарын жүргізіп жатыр.

"Балалар қауіпсіз орындарға орналастырылды, оларға қажетті көмек пен қолдау көрсетіліп жатыр. Қазіргі уақытта өрттің таралу қаупі жойылды. Өрт ошағы оқшауланған. Оқиға орнында Алматы қаласы ТЖД бөлімшелері жұмыс істеуде. Оқиға орнында Алматы қаласының әкімі Дархан Сатыбалды және қалалық құрылымдық бөлімдердің басшылары барды. Қазіргі таңда уақытша орналастыру, тамақтандыру және материалдық қолдау шаралары қамтамасыз етілуде. Жағдай бақылауда", – делінген қала әкімдігінің баспасөз хабарламасында.

Оқи отырыңыз: Алматыда екі тәрбиеленуші балалар үйінен қашып кеткен: полиция іздестіру ісін қозғады