"ҚазАвтоЖол" көлік қозғалысын шектеуге қатысты шұғыл ақпарат жариялады. Қолайсыз ауа райы салдарынан тағы екі облыста жол жабылатыны хабарланды, деп жазады KAZ.NUR.KZ.

8 қарашада сағат 14:00-де ауа райының бұзылуына (боран, көктайғақ, көріну шектеулігі) байланысты келесі республикалық автожолдарда көліктің барлық түрінің қозғалысына шектеу қойылады:

Ақмола облысы:

"Астана – Шідерті – Павлодар – Успенка – РФ шекарасы" автожолының 16-200 шақырым аралығындағы учаскесі (Астана қаласынан Павлодар облысының шекарасына дейін).

Павлодар облысы:

"Астана – Ерейментау – Шідерті" автожолының 200-254 шақырым аралығындағы учаскесі (Ақмола облысының шекарасынан Шідерті ауылына дейін).

Компания ақпаратынша, жолды 9 қарашада сағат 08:00-де ашу жоспарланған.

Мәтіннен қате тапсаңыз, бізге жазыңыз