Полицейлер блогерді ұстады.

Шымкент қаласында мемлекеттік қызметкерден 10 миллион теңге талап еткен блогер-журналист ұсталды. Бұл туралы Ішкі істер министрлігінің баспасөз қызметі хабарлады.

Тергеу мәліметінше, күдікті әкімдік қызметкерінен ақша талап етіп, бұл сомаға мемлекеттік органдардың қызметін әлеуметтік желілерде қаралайтын материал таратпауға уәде берген.

"Блогер-журналист лауазымды тұлғадан 10 млн теңге көлемінде ақша талап еткен. Ол материал жарияламау үшін осындай соманы алмақ болған", – деп мәлімдеді полицейлер.

Қазір қылмыстық іс қозғалып, күдіктінің тұрғылықты жері мен кеңсесінде тінту жүргізілген. Нәтижесінде бірнеше электронды құрылғы мен өзге де заттай айғақтар тәркіленді.

Күдікті уақытша ұстау изоляторына қамауға алынған.

Оқи отырыңыз: Қазақтарға тіл тигізген блогер Алика Мұхамадиева 3,5 жылға сотталды