Жүргізушілерге ескерту жасалды: еліміздің бірнеше өңіріндегі тасжолда көктайғақ болады
07.11.2025
«ҚазАвтоЖол» Қазақстанның бірнеше өңіріндегі тасжолда ауа райы күрт бұзылатынын мәлім етті.
Ұлттық компанияның мәліметінше, 7 қарашада Қостанай, Ақмола, СҚО, ШҚО, Ақтөбе, Абай, Қарағанды және Павлодар облыстарының кей жерлерінде қар аралас жаңбыр мен қар жауады деген болжам жасалды.
Сол себепті жүргізушілерге жылдамдық режимі мен қауіпсіз арақашықтықты қатаң сақтап, жолдардағы ауа райының қолайсыздығын ескерулеріңізді сұраймыз.
«1403 байланыс орталығына хабарласып, тәулік бойы қосымша ақпарат алуға болады», – делінген хабарламада.
