Оқиғаның бейнежазбасы әлеуметтік желіде кеңінен тараған.

Полиция жанжал шығарғандарды қылмыстық жауапкершілікке тартуға жұмыс жүргізіп жатқанын хабарлады, деп жазады inbusiness.kz сайты.

Жаппай төбелестің Алатау ауданының "Каспий" тұрғын үй кешенінде болғаны жайлы деректер бар.

Қалалық полиция департаменті жанжалға қатысқан күдіктілердің ұсталғанын мәлім етті. Қазіргі уақытта Алатау аудандық полиция басқармасы бұзақылық дерегі бойынша қылмыстық іс қозғады.

– Оқиғаға қатысқан 6 адамның барлығы анықталып, ұсталды және уақытша ұстау изоляторына қамалды. Күдіктілерді қылмыстық жауапкершілікке тартуға бағытталған кешенді тергеу шаралары жүргізіліп жатыр. Мұндай әрекеттер қоғамдық тәртіп пен азаматтардың қауіпсіздігін өрескел бұзады, – деді Алатау аудандық полиция басқармасының бастығы Еділхан Байғараев.

Осыған дейін Алматыдағы түнгі клубтардың бірінде жөспірімдердің ішімдік ішіп, жанжал шығарғанын жаздық. Оқиғаға байланысты балаларды тәрбиелеу жөніндегі міндеттерін тиісінше орындамағаны үшін ата-аналарына қатысты әкімшілік шара қолданылып, жасөспірімдер профилактикалық есепке алынған болатын.