"Қайрат" футбол клубының Бақылау кеңесінің төрағасы Қайрат Боранбаев сырт алаңда "Интермен" өткен матчқа алматылық клубты қолдап келген жанкүйерлерге алғыс айтты, деп хабарлайды KAZ.NUR.KZ.

"Еуропада өткен "Қайраттың" сырт алаңдағы матчында осыншама жанкүйерді алғаш рет көріп тұрмын. Қонақтарға арналған трибуна толығымен біздің фанаттармен толды. Кей сәттерде олардың қолдауы аңызға айналған "Сан-Сироның" дауысының арасынан да естілді! Стадионға келген, экран алдынан қолдау білдірген, Қазақстаннан жанкүйер болған баршаңызға рақмет!

Біз өткен жылғы Чемпиондар лигасының финалистіне қарсы лайықты ойын көрсеттік. Біртіндеп командаға үздік клубтармен ойнау арқылы жоғары деңгейлі матчтардың атмосферасын сезінуге мүмкіндік беріп жатырмыз. Жігіттер үшін шын жүректен қуаныштымын.

Италияның 20 мәрте чемпионы атанған қарсыласпен сапалы, батыл және сенімді ойын үшін команда мен бапкерлерге алғыс айтамын. Жарқырайтын ойындар әлі алда", — деп жазды Боранбаев Instagram-дағы парақшасында.

Естеріңізге сала кетейік, футболдан УЕФА Чемпиондар Лигасының негізгі кезеңі аясында алматылық "Қайрат" Италияның "Интер" командасымен кездесіп, 2:1 есебімен есе жіберді.

Посмотреть эту публикацию в Instagram

Публикация от Kairat Boranbayev (@kairat4)

Мәтіннен қате тапсаңыз, бізге жазыңыз