Владимир Путин Ресей федерациясының Қауіпсіздік кеңесінің отырысында ядролық қару сынақтарын өткізуге дайындық жұмыстарын бастау жөніндегі ұсыныстарды енгізуді тапсырды. Бұл туралы Кремльдің ресми сайтына сілтеме жасаған KAZ.NUR.KZ хабарлайды.

Путиннің баспасөз қызметінің хабарлауынша, Қауіпсіздік кеңесінің отырысы кезінде АҚШ билігінің ядролық қару сынақтарын қайта бастау жөніндегі ойы талқыланды. Владимир Путин америкалық тарап жақтан ядролық сынақтар басталған жағдайда Ресей жауап ретінде тиісті әрекеттерді қолдану керектігін атап өтті.

"Ресей ядролық сынақтарды өткізуге тыйым салатын келісімді ұстанып, оны барынша бұзбауға тырысады. Бұл міндеттерімізден бас тартатын жоспарымыз да жоқ. Алайда 2023 жылы мен Құрама штаттары немесе басқа мемлекеттер ядролық сынақтарды өткізентін болса, Ресей де адекватты жауап қайтаратынын айтқан болатынмын.

Осыған орай ІІМ, Қорғаныс министрлігі мен тиісті азаматтық ведомтсволарға осы мәселе бойынша қосымша ақпаратты жинап, Қауіпсіздік кеңесінде анализ жүргізіп, ядролық қару сынақтары бойынша дайындық жұмыстарының басталуына қатысты келісілген ұсыныстарды енгізу үшін барын салуды тапсырамын", — деді президент.

Мәтіннен қате тапсаңыз, бізге жазыңыз