Қазақстанда құрылыс саласына қатысты жаңа өзгерістер күтілуде. Мәжіліс депутаттарының бастамасымен ұсынылған түзетулер бойынша, нысандарға берілетін кепілдік мерзімі 2 жылдан 10 жылға дейін ұлғайтылмақ. Бұл жөнінде депутат Мұрат Әбенов мәлімдеді, деп хабарлайды Skifnews.kz ақпарат порталы.

Оның айтуынша, Үкімет депутаттар тобының Құрылыс кодексіне енгізген ұсынысын қолдаған. Алайда бұл шешімнің қабылдануы кезінде айтарлықтай қарсылықтар болған. Себебі, кепілдік мерзімінің ұлғаюы — тек мердігердің емес, сонымен қатар тапсырыс беруші тараптың, яғни мемлекеттің де жауапкершілігін арттырады.

«Енді кез келген шенеунік мектеп, аурухана немесе тұрғын үй нысанын қабылдауға қол қояр алдында жеке тәуекелін ойлануы керек. Алынған пара мен соның салдарына жауап беру қаупі арасында таңдау бар», — деді депутат.

Мұрат Әбеновтің сөзінше, бұл түзетулерге ірі құрылыс компаниялары мен кейбір шенеуніктер қарсы болған. Себебі, көп жағдайда олигополиялық жүйе арқылы ірі бизнес өкілдері мемлекеттік тапсырыстарды алады, кейін сол жобаларды субмердігерлерге «мзда» арқылы тапсырады.

«Басты мақсат — көбірек табыс табу. Ал бұл кейде құрылыс сапасының төмендеуіне әкеледі. Енді 10 жылдық кепілдік енгізілсе, олар өздерінің жұмыс сапасы үшін толық жауап беруге міндетті болады», — дейді депутат.

Бұл бастама жүзеге асқан жағдайда құрылыс сапасы артып, жауапкершілік деңгейі күшейеді деп күтілуде. Сонымен қатар, мемлекеттік нысандарды қабылдау кезінде ашықтық пен адалдық талаптары да күшеймек.

Посмотреть эту публикацию в Instagram

Публикация от Абенов Мурат / Murat Abenov (@muratabenov)