Тимирязев ауданындағы Докучаев ауылында тұратын «Бурбат» ЖШС басшысы, кәсіпкер Азамат Батанов өзінің үйінің ауласында атылған оқтан қаза болды, деп хабарлайды Egemen.kz.

Оның қарамағында жұмыс істеген 22 жастағы жігіт алькоголдік ішімдік ішіп алып, басшысының үйіне кешкі сағат 22:00 кезінде келіп, еңбекақысын дұрыс беруді талап еткен. Айтқанға көнбеген соң үй иесі мылтық алып шығып, аспанға атып, оны қорқытқан.

Ащы су есін алған жігіт мылтықтан қорықпай, үй иесіне бас салады. Алыс-жұлыс кезінде мылтықты тартып алған ол А.Батановты екі рет атып жібереді. Басынан және ішінен жарақат алған Батанов сол жерде қаза болады. Жігіттің үстінен қылмыстық іс қозғалып, қамауға алынды.