«Қазақстан темір жолы» ұлттық компаниясының мәліметінше, биылғы қыркүйек-қазан айлары аралығында еліміз жаңа өнімді астықтың 2 миллион тоннасын экспорттаған, деп жазады Egemen.kz.
2024 жылдың осы кезеңінде 1,8 миллион тонна болған екен, салыстыра айтқанда, бұл көрсеткіш – экспорт көлемінің тұрақты өсіп келе жатқанын көрсетіп отыр.
Ауыл шаруашылығы ведомствосының мәліметінше, Өзбекстанға экспорт көлемі 42%-ға артып, 738 мың тоннадан 1 049 мың тоннаға дейін артқан. Қырғызстанға жеткізілім көлемі 2,6 есеге, 24 мыңнан 64 мың тоннаға дейін, Әзербайжанға 3,1 есеге (18 мыңнан 56 мың тоннаға дейін), Ауғанстанға 42,5%-ға (73 мыңнан 104 мың тоннаға дейін), ал Түрікменстанға 2,3 есеге (3 мыңнан 7 мың тоннаға дейін) жеткен.
