Белгілі әнші Арай Әбілсейіт экс-күйеуі, танымал гитарашы әрі композитор Ақсұңқардың өзіне жазған жеке хаттарын жариялады .

Бұл туралы Caravan.kz медиа порталы хабарлайды.

Желіге тараған скриншоттарда Арай баласының демала алмай жатқанын айтып, көмек сұраған. Алайда Ақсұңқардың жауабы көпшілікті шошытты.

“Не дейсің енді. Өлсе өледі де, не істейміз енді. Ажал ғой”, – деп жазған ол.

Бұл жазба әлеуметтік желіде қызу талқыланып, жұрттың ашу-ызасын туғызды. Көпшілік әкенің өз баласына осындай жауап беруін қатыгездік деп бағалап, адамдық пен жауапкершілік туралы пікір қалдырды.

”Я Раббым шүкір, осы балапандар дүние есігін ашқысы келген екен… Енді не десең де, менің қызым, ұлым деп келуші болма, көтерген шаңырағыңмен бақытты бол!”, — деп жан сырын ақтарды Арай Әбілсейіт.