Алатау қаласындағы өртке байланысты жарияланған төтенше жағдай алып тасталады. Қала әкімі аппараты тиісті шешім дайындады. Жоба "Ашық нормативтік құқықтық актілер" порталында жарияланды, деп хабарлайды KAZ.NUR.KZ.

Құжат жобасында әкімнің 2025 жылғы 18 қыркүйектегі "Алатау қаласында жергілікті деңгейде техногендік төтенше жағдай жариялау туралы" қаулысының күші жойылды деп тану туралы құжат дайындалған.

Авторлар төтенше жағдайдың жойылуы іс-шараларды жалғастыруға және шектеулерді алып тастауға мүмкіндік беретінін атап өткен.

Естеріңізге сала кетейік, 15 қыркүйекте, таңертең Алматы облысында қоқыс полигоны өртенген еді. Өртті сөндіруге Төтенше жағдайлар департаменті, жергілікті атқарушы билік және полиция департаментінің күші жұмылдырылды.

Бірнеше күннен кейін, 18 қыркүйекте қалада жергілікті техногендік төтенше жағдай жарияланды.

Мәтіннен қате тапсаңыз, бізге жазыңыз