Дәрігерлер Ақтаудағы тұрғын үйлердің бірінде болған газ жарылысынан зардап шеккендердің жағдайы туралы айтты. Оқыс оқиғадан кейін екі адам аураханада ем алып жатыр, деп Lada.kz басылымына сілтеме жасаған KAZ.NUR.KZ хабарлайды.

Басылымның хабарлауынша, қазіргі уақытта ауруханада 52 жастағы ер адам мен 15 жастағы қыз ем алып жатыр.

"Оқиға салдарынан көп дәрежелі күйік алған ер адам әлі де жансақтау бөлімінде жатыр. Оның жағдайы өте ауыр. Науқас өкпені жасанды желдету аппаратының көмегімен тыныс алып отыр. Интенсивті терапия жалғасып жатыр", — деп мәлімдеді Маңғыстау облыстық көпсалалы ауруханасы.

Ал облыстық балалар көпсалалы ауруханасының өкілдері жасөспірім қыз дәрігерлердің бақылауында екенін хабарлады. Оның жағдайы тұрақты деп бағаланып отыр.

Мәтіннен қате тапсаңыз, бізге жазыңыз