Amre лақап атымен танымал қазақстандық танымал әнші Ернар Сәдірбаев Қазақстанның еңбек сіңірген қайраткері атанды. Қуанышты жаңалықты өнер иесінің өзі әлеуметтік желіде хабарлаған, деп жазады KAZ.NUR.KZ.

Ернар Сәдірбаев Instagram-дағы парақшасында марапттау сәтінен фото жариялап, өзіне қолдау білдірген көпшілікке алғысын айтты. Өнер иесі бұл жетістікке жетуіне септігін тигізген жандарды ерекше атап өтті.

"Осы күнге дейін маған сенім отын сөндірмеген еліме алғысымды айқтым келеді. Мен өз тарапымнан әрі қарай кәсіби өнер жолында өзімнің және елімнің атын әлі талай шарықтатамын деген ниеттемін. Алдағы уақытта әлемдік өнер жолына табан басып, әрі қарай еңбек ету үшін көптеген қолдау қажет. Осы жолда мені әрдайым демеп, еңбекті елеп, қолдаған мәдениет министрлігіне рахмет. Әке-шешеме, ұстаздарыма, халқыма алғыс айтамын. Бұл тек бастамасы ғана, алда жұмыс көп", — деп жазды әнші.

Мәтіннен қате тапсаңыз, бізге жазыңыз