Сыр өңірінде су тапшылығы өзекті мәселе.

Сондықтан үнемдеудің жоғары технологиясын қолдану қажет. Президент Қызылорда облысы жұртшылығымен кездесіп, әңгімелесті. Биыл ауыл шаруашылығына 1 трлн теңге субсидия бөлінді. Бұл үлкен мүмкіндік, деді Қасым-Жомарт Тоқаев. Сосын елді өркендету жолындағы бастамаларға тоқталды. Цифрлық мемлекет құрып, заманауи, озық елге айналу керек. Әйтпесе көштен қаламыз. Қазақстанда Орталық Азиядағы алғашқы суперкомпьютер іске қосылды. Бұдан бөлек атом станциялары салынады. Алғашқысының құрылысы басталды. Таяу арада екінші АЭС жобасы қолға алынатынын жеткізді. Жастардың болашағы біліммен ұштастыру жайын айтып, мәдениет, өнер саласына мән беретінін атап өтті. Астана мен Алматы қалаларында тәулік бойы қызмет көрсететін екі бірдей Президенттік кітапхана салынып жатыр. Болашақта осы секілді үшінші кітапхана Қызылорда қаласында ашылуы мүмкін екенін айтты.