Қоқан-лоққы мазмұны әзірге жария етілген жоқ.

АҚШ Федералдық тергеу бюросы (ФТБ) Иллинойс штатындағы университеттің бұрынғы қызметкері, 27 жастағы Дерек Лопесті бұрынғы президент Дональд Трампқа қоқан-лоққы көрсеткені үшін қамауға алды, деп хабарлайды inbusiness.kz сайты.

Foxnews телеарнасының дерегінше, күдіктіні ұстауға дейін бір ай көлемінде ФТБ, Құпия қызмет және Иллинойс университетінің полициясы бірлескен тергеу жүргізген. Тергеу нәтижесінде Лопес қазіргі АҚШ президентіне қауіп төндірген болуы мүмкін деген болжам расталып, оған федералдық деңгейде айып тағылды.

ФТБ директоры Кэш Пател Fox News-ке берген сұхбатында бұл әрекетті "жиіркенішті әрі қоғамда орынсыз қылмыс" деп сипаттады.

Айта кетейік, бұған дейін Дональд Трампқа екі рет қастандық жасалған. Оның бірі өткен жылдың шілде айында Батлер қаласында өткен сайлауалды митинг кезінде орын алған еді. Сол кезде мергеннің оғынан саясаткердің құлағы жарақат алған болатын.