«Самұрық-Энерго» биыл энергетикалық нысандарын жөндеуге бағытталған инвестицияларды екі есе арттырады.

Бұл шамамен 202,7 млрд теңге. Компанияның басқарма төрағасы Қайрат Мақсұтов Үкіметтің тарифтердің әділ деңгейін алу жөніндегі қолдауы оң әсерін бергенін айтады. "Жөндеу жұмыстарына жұмсалатын шығындардың өсу әсері ұзақ мерзімді, бірақ қазірдің өзінде біз жағымды өзгерістерді көріп отырмыз, оның ішінде техникалық дайындық коэффициентінің жоғарылау үрдісі, технологиялық бұзушылықтардың төмендеуі және жабдықтың тозуының төмендеуі байқалып жатыр" — деді. Басқарма төрағасының айтуынша, биыл жөндеу науқаны 10 энергоблок пен 31 су жылыту қазандығын қоса алғанда, 105 бірлік жабдықты қамтиды.